ဆီးအိုးမောက် ဆန္ဒပြပွဲကြီး…

ဆီးအိုးမောက် ဆန္ဒပြပွဲကြီး…
---
မောင်ဇိတစ်ယောက် ဆန္ဒပြဖို့ ဖြစ်လာတာတော့ ရှုးရှုးပေါက်တဲ့ ပြသနာကစတာပဲ…

ဒီမိုကရေစီတိုင်းပြည်ဖြစ်လာတော့…
ပြောင်းလဲပါ ပြောင်းလဲပါတွေလဲ ဖြစ်လာတော့…မောင်ဇိလဲ ပြောင်းလဲချင်တာပေါ့…ဒါကြောင့် အရင်လို ဘီယာတွေနင်းကန်သောက်ပြီးရင် လမ်းဘေးမှာ ရှုးရှုးမပေါက်ဘူးလို့ ဆုံးဖြတ်မိတယ်…။

မောင်ဇိ ပလက်ကျွတ်တဲ့ ညတစ်ညပေါ့…
ရှုးရှုးက မတရားပေါက်ချင်တာ…ဒါပေမယ့် မောင်ဇိတင်းခံထားတာ ဘယ်ရမလဲ ပြောင်းလဲရမယ်လေ…ဆူးလေထိ ရောက်အောင်တော့ အောင့်ပေါ့မောင်ဇိရေ…

ဆူးလေရောက်တော့ မောင်ဇိမျက်လုံးတွေ လင်းလက်သွားတယ်…အများသုံး အပေါ့စွန့်သန့်စင်ခန်း သူရှာနေတာ တွေ့ပြီလေ…အဲ့ဒီ့ သန့်စင်ရုံလေးရှေ့ရောက်တော့ မောင်ဇိဘေးဘီကို ကြည့်လိုက်သေးတယ်…ပိုက်ဆံကောက်တဲ့ သူတွေဘာတွေများရှိမလားပေါ့လေ…မောင်ဇိမျက်လုံးတွေ ပိုလင်းလက်သွားတယ်…ဖရီးကစ်ရပြီပေါ့…ငွေကောက်မယ့်သူ မတွေ့…ဒါလည်း အစိုးရသစ်ကို ဂုဏ်ပြုပြီး အလှူလုပ်တာ ဖြစ်နိုင်တာပဲလေ…မောင်ဇိရှည်ရှည်ဝေးဝေးမတွေးနိုင်တော့ဘူး…သူ့အလယ်ပိုင်းက ဆန္ဒပြနေတာကိုး…ခပ်မြန်မြန်ပဲ အားရပါးရ ဝင်သွားလိုက်တယ်…ပုဆိုးကိုလှန်…ခါးကိုကော့…"အားးးခနဲ"ပဲ…ဘာနဲ့မှ မလဲနိုင်တဲ့ လွတ်လပ်မှုကို ရသလိုမျိုး…

ဒါပေမယ့်…မောင်ဇိကံဆိုးတာ…သူထင်သလို အဲ့ဒါ သန့်စင်ခန်းမဟုတ်ဘူး…အများသုံးဖုန်းရုံလေး…အသုံးပြုတာသိပ်မရှိတော့ တံခါးလဲ ပျက်နေတာ …ပြီးတော့ အံဆွဲကလဲ ဘယ်အချိန်ထဲက ဖွင့်ထားမှန်းမသိ…နဂိုကတည်းက မျက်စိမကောင်းတဲ့မောင်ဇိ ပလက်ကလဲကျွတ်နေတော့ သူ့စိတ်ထဲထင်ချင်ရာ ထင်ပြီး …အပြင်ကို ပက်လှက်လေးထွက်နေတဲ့ အံဆွဲလေးကို အားရပါးရ ရှုးရှုးflowerလုပ်နေတာ…ကံကောင်းတာ သူဖုန်းရုံထဲ ဝင်ပန်းနေတာ ဘယ်သူမှ မရိပ်မိလိုက်သေးဘူး…ကံဆိုးချင်တော့ မောင်ဇိ ပန်းတာတောင် အပျင်းထူပြီး ရှေ့မှီပန်းတယ်ထင်ပါ့…ဖုန်းရုံက ရှေ့ငိုက်ကျလာတယ်…ဖြစ်ချင်တော့ အဲ့ဖုန်းရုံကို ကျောမှီပြီးဈေးရောင်းတဲ့ အဒေါ်ကြီး သတိထားမိပါလေရော…

ထားမိမှာပေါ့ ဖုန်းရုံကသူဆီ လဲလာတာကိုး…အဒေါ်ကြီးကလဲ ဟိုဘက်က ဘာဖစ်မှန်းမသိ…
"ဟဲ့ လုပ်ကြပါဦး ဒီမှာလဲတော့မယ်"ဆိုပြီး အတင်းပြန်တွန်းထားတာ…မောင်ဇိကလဲ မှီပြီး အားရပါးရ ပန်းကမ္ဘာလုပ်နေတာပေါ့…ဖြစ်ချင်တော့ မောဇိရှုးရှုးတွေဟာ မြင့်ရာကနိမ့်ရာစီးတဲ့ သဘောတရားကို ကောင်းစွာလိုက်နာပြီး အဒေါ်ကြီးဘက် စီးဆင်းကြပါလေရော…

"ဟင်…ဘာတွေလဲ ပူပူရည်တွေ…"
"ဟင်…ဒါသေးတွေ…သေးတွေ…"
အဒေါ်ကြီး အဲ့ကျမှ ဖုန်းရုံထဲက မောင်ဇိကို မြင်တာ…ဘာပြောကောင်းမလဲ…ပွဲကလှချက်…"အရပ်ကတို့ရေ…ဒီမှာ ကြည့်ကြပါဦး မရှိလို့ ဖုန်းရုံလေမှီဈေးရောင်းပါတယ်…သူယုတ်မာနဲ့တွေ့နေတယ်တော်ရေ…"

အဒေါ်ကြီးအသံကလဲ အောင်တယ်…မသိရင် တရုတ်မသာတွေလို ငိုခြင်းချသည် ငှားငိုတာကျနေတာပဲ…ဖြစ်ကြောင်းကုန်စင်နဲ့ ငိုသံနဲ့နှောနှောပြီးအော်တာ…သူ့ရဲ့ အောင်မြင်တဲ့အသံကြောင့် ဖုန်းရုံကို လူတွေ ဝိုင်းလာပါလေရော…မောဇိ အဲဒီ့ထိ သူအပြစ်သူမသိသေး…ဖုန်းရုံထဲက သူပြန်ထွက်မှ သူ့ကို လူတွေဝိုင်းထားတာမြင်တာ…အံမယ် ဒင်းက သူ့ကိုယ်သူ သမ္မတလေယဉ်ပေါ်ကဆင်းလို့ ကြိုတယ်များ မှတ်လားမသိ…လူအုပ်ကြီး လက်တွေဘာတွေ ပြလိုက်သေးတယ်…
လူအုပ်ထဲက တစ်ယောက်က
"ဟျောင့် အရူးကွက်နင်းမနေနဲ့…မင်းတော်တော် မိုက်ရိုင်းတဲ့ကောင်ပဲ…"
အဲ့ဒါတော့ မောင်ဇိတပ်ထားတဲ့ မျက်မှန်ကို ချွတ်ပြီး သုတ်လိုက်သေးတာ…ပြီးမှ ပြူးတူးပြဲတဲ ဘေးဘီကို ဝှေ့ကြီးပြီး…

"ဒေါသ ထွက်နေတဲ့ လူအုပ်ကြီးဆိုတာ ခင်ဗျားတို့လား တွေ့ရတာ ဝမ်းသာတယ်ဗျာ…"

မောင်ဇိစကားကြောင့် လူအုပ်ကြီး တစ်ချက်ကြောင်သွားတယ်…ပြီးမှ ရှဲရှဲပြန်မြည်လာတယ်…ဒါတောင်  ဒင်းက သူ့စိတ်ထဲ ငါနေ့ခြင်းညခြင်း celeဖြစ်ပြီလို့တွေးတာလားမသိ…အော်တိုရေးပေးဖို့ ဘောပင်တွေဘာတွေထုတ်လို့…
"ဟျောင့်…အတိတ်မေ့သလိုရွှေပျောက်သလို လုပ်မနေနဲ့…"

"လုပ်ပါဘူး…ပျောက်စရာရွှေကိုမရှိတာ…မေ့စရာလဲလိုဘူး…လူကလွင့်နေတာ ဟဲဟဲ ဖီးးးပဲလေ…ဒါနဲ့ဘာလဲ ကျုပ်သေးပေါက်တာတောင် ခညားတို့ လာစောင့်တယ်ဆိုတော့ သမ္မတနေရာကို ကျုပ်ပေးမယ် ပြောင်းလိုက်လို့လား…ဟဲဟဲ…"

မောင်ဇိစကားကြောင့် လူအုပ်ထဲက ဆဲသံတချို့နဲ့ဂုဏ်ပြုကြတယ်…
"ဟ ဒီကောင်ဂေါက်သီးလား…ကွ"
"ပလက်ကျွတ်တာဖြစ်မှာပါကွာ…"!
တချို့ကတော့ ဂရုဏာသဲ့သဲ့…
"ထုပစ်ကွာ…"
"ငိုးမ မိုက်ရိုင်းတာ…အဲ့ကောင်ဟာ ဖြတ်ပစ်ကွာ…"

အဲ့အသံတွေ ကြားမှပဲ…မောင်ဇိ နဲနဲ သဘောပေါက်သွားတယ်…
"ဟ…ဒါမင်းမဲ့တိုင်းပြည်မဟုတ်ဘူး…
ကျုပ်ကို ဘာမကျေနပ်လဲပြောလေ…ဟွာကိုဖြတ်မယ်တော့ မပြောနဲ့ အသက်ခြင်းလဲပစ်မှာ ဘာမှတ်လဲ…"

"ငိုးမ သူခိုးက လူပြန်ဟစ်လို့…ဟျောင့်ငါ ဝက်သားတုတ်ထိုးရောင်းတာကွ…နုတ်နုတ်ဆင်းပစ်လိုက်မယ်…စကေးက ကျွမ်းပြီးသား …"

"ဒါဆို ခင်ဗျား COCဆော့တယ်ပေါ့…"
"အေး T-9ရောက်နေပြီ…အာ…ဒီသောက်ရူးဘာတွေပြော မင်းပစ္စည်းကို လှီးမှာပြောတာကွ…"

"ဘာ…ကျုပ်ကဘူ့မုဒိန်းကျင့်မိလို့လဲ…
ခညားတို့ မတရားမလုပ်ကြနဲ့နော်…အာ့လှီးလိုက်ရင် ကျုပ်ကောင်မလေးကို ဘိုရှင်းပြရမလဲ…ဘာလဲ ခညားက လူဥတုတ်ထိုးသည်လား…"

"ထွီ…ဟျောင့် ငါ့ဆိုင်နာမည်မဖျက်နဲ့…"

"ဟော့လူတွေ…ဖယ်တော့  ဒါကျုပ်လွတ်လပ်ခွင့်…ကိုယ့်ဟွာနဲ့ကိုပေါက်တာ…ခညားတို့ဟာ ငှားပေါက်တာဟုဘူး…"
မောင်ဇိ ပလပ်ကျွတ်ပြီး ဘောင်မဝင်တာတွေ လွှတ်နေပြီ…ပြီးမှ သူ့ဘာသူ ဘာစဉ်းစားမိလဲမသိ…

"ဟာ ဆောရီးဗျ…
ဟုတ်သားပဲ…ခညားတို့ကို လေးစားပါတယ်…အဲ့လို ဝိုင်းပြောင်းလဲမှ ပြောင်းလဲမှာဗျ…"

"ဟ မင်းဘာတွေပြောနေတာလဲ…"

"ကျုပ်သန့်စင်ခန်းဝင်တာ ငွေမပေးမိလို့ ပေးဖို့ ဝိုင်းပြောမို့ မဟုတ်လား…ကျုပ်လဲ မတွေ့လို့ ပါဗျာ…ပေးပါ့မယ်…သဘောကျတယ်ဗျာ အဲ့လို တစ်ယောက်က ဖောက်ဖျက်ရင် ကျန်တဲ့သူတွေ ဝိုင်းထိန်းရမှာဗျ…ကျေနပ်…"
မောင်ဇိပြောပြောဆိုဆို ၁၀၀တန်လေး ကောက်ထုတ်လိုက်တယ်…
"ဘူ့ကို ပေးရမှာလဲဗျ…"

"ဟျောင့်…မင်းဝင်တာ သန့်စင်မဟုတ်ဘူးကွ…ဖုန်းရုံကွ…"
"ဟငင်…"
မောင်ဇိ ဟင်တောင် ပီအောင်မထွက်နိုင်တော့…သူ့နောက်က ဖုန်းရုံကို လှည့်ကြည့်တော့ အံဆွဲထဲက တတောက်တောက်ကျနေတဲ့ သူ့ရဲ့ ရှုးရှုးတွေ…မသေချာမှာစိုးလို့ မျက်မှန်ချွတ် မျက်လုံးတွေ ဘာတွေ ပွတ်ကြည့်သေးတာ…ငင့်…ဖုန်းရုံကြီးဟ…
သေပြီဆြာတော့ဖြစ်ပြီ…အဲ့တော့မှ

"ကျ…ကျနော်…မှားသွားလို့ပါဗျာ…
်ူမူးနေတာရော…ပလက်ကျွတ်တာရော…
အာ့ကြောင့်ပါ…"

"ဘာမှ ဟုတ်ဘူး …"
"အဲ့ကောင် အရူးကွက်နင်းတာ…ချကွာ…"
"ထုပစ်ကွာ…"
"ဲအဲ့ကောင်ပစ္စည်းကို ဖြတ်ပစ်ရမှာ မိုက်ရိုင်းလွန်းတယ်ကွ…"
မောင်ဇိဖြတ်ပစ်ရမယ်ဆိုတဲ့ အသံကို အကြောက်ဆုံး ဒူးလေးနှစ်ဖက်ကွေးပေါင်လေးကို လိမ်ပြီး အကာအကွယ်တောင် ယူမိသေး…ဆွမ်းကြီးလောင်းမယ်ဆိုတဲ့ လူအဖွဲ့အစည်းထုံးစံအတိုင်း အသံတွေပိုဆူလာပြန်ရော…ဒါပေမယ့် ဘူမှ မလုပ်ရဲသေဘူး…တရားခံမရသေးဘူးလေ…အရင်ဆုံး စထုပြီး တရားခံဖြစ်ခံမယ် သူရဲကောင်းမပေါ်သေးတော့ လုပ်ရမှာ တွန့်ဆုက်တွန့်ဆုပ်ဖြစ်နေကြတာပေါ့…

အဲ့လို အကျပ်ရိုက်နေကြတဲ့အချိန်မှာ
"ဖယ်ပေးကြပါ…ကျနော်တို့ တာဝန်ရှိတဲ့ ပြည်သူ့ရဲတွေ ဆောင်ရွက်ပါ့မယ်…"
အော်လံအသံစူးစူး…မောင်ဇိပျော်သွားတယ်…ဦးရဲကြီးတွေလာပြီလေ…ကူညီပါရစေလာပြီ…ဘာပဲဖြစ်ဖြစ် ဖြတ်ခံရတာထက်စာရင် ဖုန်းရုံထဲသေးပေါက်မိလို့ အချုပ်ခံရတာ တော်သေးတယ် မဟုတ်လား…

"ဟျောင့်…ဟျောင့်…ညောင့်"
ခေါ်သံမဟုတ် အရေးပေါ် ဥသြဆွဲသံတွေ…ရဲကားတွေ မီးသတ်ကားပါပါတယ်…ကြက်ခြေနီကားလဲပါတယ်…ရဲတွေ အော်လံတွေနဲ့ လူတွေကို ဘေးကင်းရာ ရှောင်ဖို့တာဝန်မရှိသူတွေထွက်သွားဖို့ ဆော်သြနေကြတယ်…လူအုပ်ကြီးလဲ ဘာဖြစ်မှန်းမသိ…အဲ့ကျမှ ကြောက်လန့်ပြီး မောင်ဇိနားက ရှဲသွားကြတယ်…

မောင်ဇိလဲ ဘာဖြစ်ပါလိမ့်ပေါ့…လူအုပ်ကြီးလဲ ပဟေဋ္ဌိဖွက်ခံလိုက်ရသလို အူကြောင်ကြောင်နဲ့ပေ့ါ…ရဲတွေက သေနတ်ပါ အသင့်အနေအထား ကိုင်ဆောင်လာတော့ လူအုပ်ခဏလေး ကြက်ပျောက်ငှက်ပျောက် ပျောက်ကုန်တယ်…မောင်ဇိ ရှိတဲ့ ဖုန်းရုံဘက်ကို သေနတ်တွေ ချိန်ပြီး…ရဲသားတွေ ဝိုင်းလာကြတယ်…
မောင်ဇိလည်း အဲ့တော့မှလန့်ပြီး ပြေးမယ်လုပ်တော့…

"မလှုပ်နဲ့ သာသာကြည်ကြည်အဖမ်းခံပါ…"
မောင်ဇိတုန့်ခနဲဖြစ်သွားပြီး အူကြောင်ကြောင်နဲ့ သူ့ဘေးဘီကို ကြည့်လိုက်သေးတယ်…ဘူမှ မရှိတော့ သူတစ်ယောက်တည်း…ရဲတွေ အဲ့လောက်အများကြီးတော့ သူ့ကို  ဝိုင်းနောက်ကြမည်တော့ သူမထင် ပြီးတော့ သေးပေါက်တဲ့ အမှုဆိုတာကလဲ အဲ့လောက်ကြီးကျယ်တာမဟုတ်တာ…ဒါကြောင့် မောင်ဇိ ငါ့ပြောတာ မဟုတ်လောက်ပါဘူးဆိုပြီး ထထွက်မည် ထပ်အလုပ်…

"'မလှုပ်နဲ့လို့ပြောနေတယ်နော်…ပြေးဖို့ကြိုးစားရင်ပစ်မှာ…"
အဲ့တော့မှ မောင်ဇိကြောင်တောင်တောင်လေးဖြစ်ပြီး…
"ကျနော့်ကို ပြောနေတာလား ဦးရဲကြီးတို့…"

"ဟျောင့်…ခုမှ ကျပ်မပြည့်သလို လုပ်မနေနဲ့…လက်ကိုခေါင်းပေါ်တင်…"

"ဗျာ…"
"မတင်နဲ့ဦး မင်းလွယ်အိတ်ငါ့ဆီပစ်လိုက်စမ်း…"

မောင်ဇိတော်တော်အူကြောင်ကြောင်ဖြစ်သွားတယ်…ငါက ရာဇဝတ်ကောင်ကြီး ဘယ်တုန်းက ဖြစ်သွားပါလိမ့်ဟု တွေးနေမိတယ်…
"ဟေ့…ပစ်ထည့်လိုက်ရမလား လွယ်အိတ်ကို ပစ်လိုက်ပြောနေတယ်…"

ဦးရဲကြီးတွေ သူ့ကို တွန့်နေတဲ့ အထာပဲ…အနားလဲ မကပ်ရဲဘူး…သူ့လွယ်အိတ်ကို အားလုံးမျက်ခြေမပျက်လဲ ကြည့်နေကြတယ်…။မောင်ဇိ နားမလည်စွာပဲ ကြောင်တောင်တောင်နဲ့ လွယ်လေးကို ချွတ်…ပစ်မည်ပြုပြီး…
"ဟိုလေ…ဦးရဲကြီးတို့ ကျော့် လွယ်အိတ်ထဲ ဟွာတွေပါတယ်…အာ့တော့ ဘုမှ မသိစေနဲ့ဗျာ…နော့…"
"ဘာတွေလဲကွ…"
"ဟွာကားပါ…လေ့လာချင်တဲ့ သဘောနဲ့ ကျိမို့ ဝယ်လာတာ…"
"ဝေ့လည် ကြောင်ပတ်မလုပ်နဲ့…မင်းလွယ်အိတ်ထဲ ဖောက်ခွဲရေး ပစ္စည်းတွေမဟုတ်လား…"

"ဗျာ……"မောင်ဇိရဲ့ အသံအံသြထိတ်လန့်သွားတယ်…ပြီးမှ
"ဟုတ်ရပါဘူးဗျာ…ကျော်လွယ်အိတ်ထဲ ကဗျာစာအုပ်လေးတွေနဲ့ စောန မှောင်ခိုသည်ဆီက ဝယ်လာတဲ့ ဟွာကားလေးပဲပါတာပါ…"

"ဟျောင့် အာ့ဆို ပြလေ…"
"ကျော့်ကို ကတိတစ်ခုတော့ပေးဗျာ…ဟွာကားကျနော် ဆီပါတာ ဘူမှတော့ ပြန်မပြောနဲ့…ရှက်လို့ဗျ…"
"အာ ဒီကောင် လေရှည်တာ မပေးရင် ပစ်မှာနော်…"

ဦးရဲကြီးက မောင်ဇိမျက်စိထဲ နူတ်ခမ်းကြီးဆူ ကလေးဆိုးကြီးနဲ့ တူနေရှာတယ်…သူ့လွယ်အိတ်ကို မုန့်ပူစာသလို ပူစာနေသလိုပါပဲ…

"ပစ်တော့ မပစ်ပါနဲ့ ပေးပါ့မယ်ဗျာ…ဒါဘန့် ဟွာကားကိုတော့ ကတိနော်…"
မောင်ဇိလွယ်အိတ်လေးကို အသာချွတ်ပြီး ရဲတွေဆီ လှမ်းပစ်လိုက်တယ်…မောင်ဇိလွယ်အိတ် လွတ်ပြီဆိုတာနဲ့ ရဲတွေ သူ့ဆီ ဒုန်းဆိုင်း ဝင်လုံးပါလေရော…မောင်ဇိလဲ လျင်တယ်…

"ကျုပ်ကို ဘာမှလုပ်ကြပါနဲ့…ဖမ်းခံပါ့မယ်"ဆိုပြီး လက်ကို ခေါင်းပေါ်တင်ပြီး မြေမှာဝတ်လိုက်တယ်…ဟုတ်တယ်လေ…အခွင့်အာဏာရှိတဲ့သူ စစ်ဆေးချင်တယ်ဆိုရင် အဲ့လို ငြိ်မ်နေပေးရမယ်လေ…မဟုတ်ရင် ဦးရဲကြီးတွေထုခွင့်ရှိသွားမှာပေါ့…ဦးရဲကြီးတွေ သူ့ကို လက်ထိပ်ခတ်တော့
"အမ်…ကျော်က ဘာအပြစ်ရှိလို့ ခတ်တာလဲဗျ…"
"ဟျောင့် လေရှည်မနေနဲ့ မင်းကို အကြမ်းဖက်ဖေါက်ခွဲရေးသမားအဖြစ် သံသယရှိလို့…"
"သံသယ အကျိုးခံစားခွင့်…"
"မရှိဘူးကွာ…"
"ကျုပ်ကဒီနိုင်ငံသားဗျ…"
"ဟျောင့် သောက်ရူး မင်းနေတာ USAမဟုတ်ဘူး ဘာမှတောင်းမနေတဲ့…"
"ဟူးစမန်းရိုက်စ်လေ…ဒီမိုကရေချီ စံနှုန်း…"
ဦးရဲကြီးက သူ့ပါးစပ်ကို လက်ဝါးနဲ့အုပ်ထားသည့်တိုင်…မပီတပီ လေးကြီးလေကျယ်တွေ ထွက်သွားသေးတယ်…။

ထို့နောက်…
မောင်ဇိ…့ ရဲကားပေါ်ပါသွားလေရဲ့…။
"ကျော် ရှေ့နေငှားချင်တယ်…"
"ငှားပေါ့…မင်းပိုက်ဆံနဲ့မင်းပဲလေ…"
"ပိုက်ဆံရှိဘူး…နိုင်ငံတော်စရိတ်နဲ့လေ…"
"ထွီ…"
"ကျုပ်က ဒီနိုင်ငံသားဗျ…ကျုပ်ဘက်က တရားဥပဒေနားလည်တဲ့ လူနဲ့တိုင်ပင်ခွင့်ရှိတယ်…ခေါ်ပေးပါ…"
"အာ့ဆို ငါမေးပါဦးမယ်…မင်းက နိုင်ငံတော်အတွက် ဘာအခွန်ဆောင်ဖူးလို့ အခွင့်အရေးတောင်းနေတာလဲ…"
"ဆောင်တာပေါ့ဗျ…မယုံ ကျနော့် အိတ်ကပ်ထဲ နှိုက် ခုလေးတင်ဆောင်လာတာ…"

မောင်ဇိဘေးကရဲက မောင်ဇိစကားကြောင့် ကြောင်သွားပြီး…
"ဆရာ နှိုက်ကြည့်ရမလား…တော်ကြာ ငွေတောင်းတယ်ဖြစ်နေမယ်…"
"နှိုက်ကြည့်ကွာ ငါတို့ သက်သေရှိတာပဲ…"
အာ့တော့မှ ရဲက နှိုက်ကြည့်လေရဲ့…။
ရဲသားလက်ထဲ ဘီယာဆိုင်က ဘောင်ချာလေး အခေါက်လိုက်ပါလာတယ်…။

"ဖွင့်ကြည့်လိုက်…"
ရဲသားလဲ မောင်ဇိပြောသလို ဖွင့်လိုက်တော့ ဘောက်ဂျာမှာ အခွန်တံဆိပ်ခေါင်းလေးတွေ တန်းစီလို့…
အဲဒီ့ကျမှာ မောင်ဇိက ကိုသားကြီးလေသံနဲ့
"ကဲ သိပြီလား…"
"ဆရာဟုတ်တယ်…သူအခွန်ဆောင်တယ်ဗျ…"
"ဟာကွာဆောင်ဆောင်ကွာ အာ့တွေနားမည်ဘူး…"
"ဦးရဲကြီးတို့ မတရားလုပ်နဲ့နော်…
ဒါ ဒီမိုကရေစီနိုင်ငံဗျ…"

"တောက်…ဒီသောက်ရူးကို  လက်ကို မခတ်ရဘူး…ပါးစပ်ကို ခတ်ခဲ့ရမှာ ငါတို့ကိုက မှားပါတယ်…"
"ခုတော့ ကိုယ့်အမှားကိုယ်သိပြီမို့လား…"
"တိတ်စမ်း……"
"ဟု…"
မောင်ဇိဇတ်လေးပုပြီး ငြိမ်သွားတယ်…။ခဏကြာတော့ မောင်ဇိပြန်ထောင်လာပြီး…
"ကျော်က ဘိုလုပ် ဖောက်ခွဲရေးသမားလို့ ထင်ခံရတာလဲဗျာ…မှုတ်ဆိတ်နဲ့နူတ်ခမ်းမွေးက ဂျုပ်ဖိုးသမျောလို့ မရိတ်တာပါ…ကျော်က အသားမဲပေမယ့် အညာသားပါဗျာ…ဦးရဲကြီးတို့ လူမှားတာဗျာ…"

"ငါတို့လဲ မသိဘူး…တာဝန်အရလုပ်ရတာ…အထက်ကို ဖုန်းဝင်လာတာ…ဆူးလေမှာ ဗုန်းထောင်နေတဲ့ လူတစ်ယောက်ကို လူထုက တွေ့လို့ ဝိုင်းထားတယ်တဲ့ အာ့ကြောင့် ဆင်းလာတာ…

ခုတော့…မင်းပုံကြည့်ရတာ မဟုတ်လောက်ပါဘူး…ဒါပေမယ့် ဖမ်းလက်စနဲ့ ဖမ်းရမှာပဲ…"

"တိန်…အာ့ ဆေးဗျ…"
"ဘာဆေးလဲ…"
"FBပေါ်မှာဆို အာ့ဆေးမိတာလို့ခေါ်တယ်…ဦးရဲကြီးတို့ ဆေးထိုးခံလိုက်ရတာ…"
"ဘာကွ…အာ့တွေသိဘူး"

မည်သို့ပင်ဆိုစေကာမူ မောင်ဇိတစ်ယောက်အချုပ်ထဲတစ်ညအိပ်လိုက်ရလေ၏…။
"ကျုပ်ကို ခိုင်လုံတဲ့ သက်သေမရှိရင် ၄၈နာရီအတွင်း ပြန်လွှတ်ပေးရမှာနော်…"

မောင်ဇိက အချုပ်ခန်းထဲကနေ ရဲသားတစ်ယောက်ကို လှမ်းအော်နေတယ်…
"ဒါနိုင်ငံသားတစ်ယောက်ရဲ့ အခွင့်အရေးပဲ…မတရားမလုပ်နဲ့…"

"မလုပ်ပါဘူးကွာ…မင်းလို နားငြီးတဲ့ကောင် လွှတ်ပေးမယ်…ခုပဲ…"
နောက်မှ ဝင်လာတဲ့ ဦးရဲကြီးက ပြောလေ၏…။

စခန်းမူးအခန်းဆီရောက်တော့ မောင်ဇိရဲ့ ဘော်ဒါကြီး ရောက်နေလေရဲ့…အာမခံပေါ့လေ…။
"ပေတိုးကောင်…ဖြစ်လိုက်ရင်တော့ သောက်စမ်းရီးပဲ…အကြမ်းဖက်သမားနဲ့မှမှားရတယ်လို့ကွာ…အပြန် မင်းအမွှေးတွေ ရိတ်ပစ်မှ…"

"ဟျောင့်…မလုပ်နဲ့ ဒါယောက်ကျားတစ်ယောက်ဖြစ်ကြောင်း သဘာဝက ပေးတဲ့လက်ဆောင်ပါကွ…"

"အေး…မင်းတို့လေရှည်မနေနဲ့
ဒါမိတ်ဆုံစားပွဲမဟုတ်ဘူး…ဝန်ခံကတိထိုး…"

"ဘာလို့လဲဗျ…"

"နောက်တစ်ခါ မြို့လယ်ခေါင်မှာ မဖွယ်မရာ အပေါ့မသွားပါဘူးဆိုတဲ့ ကတိ…"

"ဗျာ…"
"ဂျာနယ်ထဲတော့ မထည့်နဲ့ဗျာ…"

"ဟျောင့် မထည့်နဲ့လုပ်မနေနဲ့…ဒီမှာကြည့်ဦး…"
မောက်ဇိဘော်ဒါက ဖုန်းထိုးပြလေ၏…။
ဟင်…fb…fbမှာ ပလူပျံနေပြီ…အဆင့်မြင့် ပါပါရာဇီတွေပါလား…သရော်သလို တင်ထားကြတာ…
"
မြို့လယ်ခေါင် အများသုံး ဖုန်းရုံ၌ စည်းကမ်းမဲ့ အပေါ့စွန့်သူအား …ရဲတပ်ဖွဲ့ဝင်များ အင်းအားသုံးဖမ်းဆီး…"ဆိုပဲ

ငင့်…သေပြီဆြာပဲ…ပုံတွေပါပါတယ်…အမလေး ပလူပျံလို့…တချို့က accပါ ကြေညာပေးထားသေးတယ်…အာ့ ze roလေ ကိုဇိလေ…ငဇိလေ…
စခန်းမှူးလဲ မြင်တယ်နဲ့တူတယ်…
"မင်းတို့လို ငကြောင်တွေကြောင့် ငါတို့ သိက္ခာကျပြီ…"

"ဗျာ…"
မောင်ဇိ စခန်းမှူးကို ပြန်ပြောမို့လုပ်သေးတယ်…။ဒါပေမယ့် သူ့ဘော်ဒါအတင်းခေါ်တာကြောင့် တန်ပြန်စကား စစ်မထိုးလိုက်ရဘူး ယှက်ကန်ယှက်ကန်နဲ့ ပါသွားလေရဲ့…။

---
မောင်ဇိတစ်ယောက် အဲ့ကိစ္စကိုလုံးလုံးမကျေနပ်…မကျေနပ်လဲ မကျေနပ်စရာပဲလေ…fbပေါ်မှာ ပွက်လောရိုက်သွားတာ…တိုင်းသိပြည်သိကြီးကိုဖြစ်လို့…

စည်းကမ်းမဲ့ အပေါ့စွန့်သူအား အင်အားသုံး ဖမ်းဆီး စစ်ဆေးမိရာ…၎င်းအိတ်ထဲ၌ …ကားတစ်ခွေ ကဗျာစာအုပ်တစ်အုပ်…အပေါင်ဆိုင်ဘောင်ချာ တစ်ရွက်…မလျှော်တာကြာပြီ ဖြစ်တဲ့ အောက်ခံဘောင်းဘီတစ်ထည်တွေ့ရှိရပါကြောင်း…သိရှိရ၏တဲ့…

တော်တော်ပြောင်မြောက်တဲ့ လက်ရာတွေ…ဟိုးလေးတစ်ကျော်ကျော်ပဲ…အာ့ အောက်ခံဘောင်းဘီက အိုက်လို့ ချွတ်ပြီး လွယ်အိတ်ထဲ ထည့်မိထားတာ…ပျောက်လို့ရှာတာနံတေတာပဲ…မရှာလို့ကလဲ မရ …ရှိတာမှ ၂ထည် တစ်ထည်ပျောက်တော့ လျှော်လိုက် ရေမခြောက်ခင် ပြန်ဝတ်လိုက်ဆိုတော့ ညီလေးတောင် မှိုစွဲမှာကြောက်ရတယ်…ဖမ်းခံရမှာပဲ အာ့အောက်ခံဘောင်းဘီ ပြန်တွေ့တော့တယ်…ကံကောင်းတယ်ပြောရမှာပေါ့…ကံဆိုးတာက သူ့ကောင်မလေးက ဟွာကားကိစ္စရယ်…အောက်ခံဘောင်းဘီကိစ္စရယ် မြို့လယ်ခေါင်သေးပေါက်တဲ့ကိစ္စရယ် စုပေါင်းပြီး မောက်ဇိကို ဖြတ်သွားလေရဲ့…အသဲကလဲကွဲ ရှက်ကလဲရှက်နဲ့ မောင်ဇိ အပြင်ထွက်ရင် နင်ဂျာတွေလိုပုဆိုးခြုံသွားတာ …အရေးထဲ ကုလားမလေးတွေနဲ့မှား ဖွန်ခံလိုက်ရသေးတယ်…

ကဲ…ဒီတော့ မောင်ဇိ အဲ့ကိစ္စကို စိတ်မနာပဲနေမလား…နာကျဉ်းတာများ တွေးရင်းတွေးရင်း တလိမ့်လိမ့်ပေါ့…တွေးရင်းတွေးရင်း

"ဒါအစိုးရမကောင်းလို့ ဖြစ်ရတာ…ဟုတ်တယ် ဒါအစိုးရမကောင်းလို့…"

"အပေါ့ခန်းတွေသာ များများဆောက်ထားရင် ငါဒီလိုဖြစ်မှာဟုတ်ဘူး…မြိူ့လယ်ခေါင်တစ်ခုလုံးမှ တစ်လုံးဆိုတော့ ငါမှားမိတာ…အဲ့ဒါ အစိုးရမကောင်းလို့…"

"ဆန္ဒပြရမယ်…ဆီးအိုးဆန္ဒပြပွဲ ဆင်နွဲရမယ်…တွေ့ကြသေးတာပေါ့အစိုးရရယ်…"

မောင်ဇိတစ်ယောက် အသဲကွဲ အရှက်ကြီးရှက်ရာကနေ အစိုးရပေါ်နာကျဉ်းတဲ့ ဆိုက်ကိုဝင်သွားရှာလေရဲ့…။

"ကျော့်ကို ယောက်ကျားဆီးဗူးပေးပါ…ကော်ဆီးအိုးနော်…"

မောင်ဇိ အဲ့ဆီးအိုးမှာ ဆန္ဒသည်လို့ရေး ဆိုင်းဘုတ်တွေလုပ်…အကျီင်္မှာ စာတွေရိုက်ပြီး ဆန္ဒပြပါတော့တယ်…။

အများသုံး အပေါ့စွန့်ခန်းများပြားရေး ဒို့ရေး…
ဘီယာ သမားတို့ သိက္ခာကာကွယ်ဖို့ ဆန္ဒထုတ်ဖော်ကြစို့…
နိုင်ငံကြီးသားပီသဖို့ အပေါ့ခန်းများ တိုးချဲ့စို့…

ဆောင်ပုဒ်များစွာ ဆိုင်းပုဒ်များစွာနဲ့ မောင်ဇိတစ်ယောက် တစ်ကိုယ်တော် ဆန္ဒတိုက်ပွဲဆင်နွဲရှာတယ်လေ…

ပထမတော့ သူ့ကို လူတွေက အရူးလိုလိုကြည့်သွားကြတယ်…နောက်တော့ စိတ်ဝင်စားလာကြတယ်…မောင်ဇိကံကောင်းတာ ယစ်ထုတ်ကြီးတွေရဲ့ သစ္စာရှိမှုပဲ…ယစ်ထုတ်ကြီးတွေဆိုတာ သိတဲ့အတိုင်းပဲ…သူတို့အခြင်းခြင်းဆို အရမ်းချစ်ကြတာ…မောင်ဇိတစ်ယောက်တည်း ဆန္ဒပြတာကို မကြည့်ရက်ဘူးလေ…ဒါနဲ့တက်နိုင်တဲ့ ဆိုင်းဘုတ်လေးတွေကိုင်ပြီး ဆန္ဒဝိုင်းပြကြတာပေါ့…တဖြည်းဖြည်းနဲ့ ဖြတ်သွားဖြတ်လာ ယစ်ထုတ်ကြီးတွေပါ ဝင်လာပါလေရော…တစ်ကိုယ်တော် ဆန္ဒပြတာကနေ ကြီးထွားလာလိုက်တာ…လူအယောက် ၅၀လောက်ဖြစ်လာတယ်…

မောင်ဇိက ကြောင်တောင်တောင်သာ နိုင်တာ…ဥာဏ်တော့ကောင်းသား…သူတို့ကို အရေးယူလို့မရအောင် စည်းကမ်းတ်ကျဆန္ဒပြတာ…

၁-ပလက်ဖောင်းပေါ်ဆို ရပ်ပြီးမပြရဘူး…လမ်းလျှောက်နေရမယ်…ဒါမှ ပလက်ဖောင်းဥပဒေနဲ့မငြိမှာ

၂-၄ယောက်တစ်တန်းနေရမယ်…အဲ့ထက်မပိုရဘူး…ဒါမှ လူစုလူဝေးဆူပူမှုဆိုတာတွေ ရှောက်ရှားနိုင်မှာ…

၃-တာဝန်ရှိသူက မေးမြန်းရင် ကောင်းမွန်စွာတုန့်ပြန်ဖြေကြားရမယ်…

၎-တစ်စုံတစ်ယောက် တိုက်တွန်းစည်းရုံးမှု မဟုတ်ကြောင်း မိမိရင်ထဲက ထွက်ပေါ်လာတဲ့ ဆန္ဒအလျောက်သာ ဆန္ဒပြခြင်းသာ ဖြစ်ကြောင်း မည်သူမေးမေး အဲ့လိုဖြေကြားရမယ်…ဒါမှ ကျန်တဲ့ ပုဒ်မတွေ မတက်နိုင်မှာ…ဆန္ဒပြပွဲအစစ်လဲဖြစ်မှာ…

၅-မိမိဆန္ဒ မူလရည်ရွယ်မှု စစ်စစ်အတွက်သာ အစိုးရဆီကတောင်းခံရမယ်…ကျန်တဲ့ အပိုတွေ ဝင်မရောအောင် ဆန္ဒပြအုပ်စုကို စောင့်ကြည့် ထိန်းသိမ်းရမယ်…

၆-အသံနှင့် ဆန္ဒပြမှုအပိုင်းတွင်…
မိမိတောင်းခံချင်ရာ သက်ဆိုင်ရာ ဌာန အဖွဲ့အစည်းနှင့်ပတ်သတ်သော အဆောက်အအုံရှေ့မှာသာ အသံပြုရမယ်…

အဲ့အချက်ကဂွကျတယ်… ဘယ်လိုပြတယ်မှတ်လဲ…သန့်စင်ခန်းကို မျက်နှာမူပြီး ဒို့ရေးအော်ကြတာဗျ…
မောင်ဇိက အရှေ့က အာဘောင်အာရင်း အသံနဲ့

အများသုံး အပေါ့စွန့်သန့်စင်ခန်း များပြားရေး…လို့အော်ပြီးတာနဲ့နောက်က ယစ်ထုပ်ဘော်ဘော်တွေကနေ
ဒို့ရေး…ဒို့ရေး အော်တာဗျ…

အများသုံးအပေါ့စွန့်သန့်စင်ခန်းများရေး…
ဒို့ရေး…ဒို့ရေး…

သူတို့ဟာ သူတို့တော့ ဟုတ်နေတာပဲ…

၇-ဆန္ဒပြပွဲဆင်နွဲချိန်မှာ အရက်မသောက်ရဘူး…မူးရစ်ယမ်းကားနဲ့ ငြိမှာစိုးလို့လေ…

ဒါကို ယစ်ထုပ်ကြီးတွေလက်မခံချင်ပေမယ့်…မောင်ဇိကို ချစ်ကြတော့ ထိန်းသိမ်းကြသည်ပေါ့…

၈-ဆန္ဒပြလို့ ပြီးရင်…
အင်းအားပြ ဆူပူမှုလို့ မသတ်မှတ်ခံရအောင်…လူစုခွဲ ပြန်ရမယ်…နောက်နေ့ လူစုပြီး ဆန္ဒပြနေရာကို မလာရဘူး…ကိုယ့်အစီအစဉ်နဲ့ ကိုယ် တစ်ယောက်စီလာရမယ်…

မောင်ဇိတို့ အာ့တော့ပိုင်တယ်ဗျ…တော်တော်လေး စည်းကမ်း တကျဆန္ဒပြကြတာ…ဒါနဲ့ဆန္ဒပြ ခေါင်းစဉ်က ဘာလဲသိလား…

"ဆီးအိုးမောက် ဆန္ဒပြပွဲ"တဲ့ဗျာ…။
အင်းလေ သပိတ်မောက်ပြလို့မှ မသင့်တော်တာ တော်ကြာ ဘာသာရေးတိုက်ခိုက်မှုဆိုပြီး ဂင်ခံရဦးမယ်…

အံမယ်…ဆီးအိုးလေးတွေကို ကိုင်ပြီး မောက်ပြတဲ့သူက မောက်ပြထား…ခေါင်းမှာ မောက်ပြီး ဆောင်းပြထားတဲ့သူက ဆောင်းပြထားနဲ့ သူ့ဟာသူ ဂွင်ကျနေတယ်ဗျ…

ဆီးအိုးမောက် ဆန္ဒပြပွဲကို နောက်ပိုင်းလူတွေစိတ်ဝင်စားလာတယ်ဗျ…ကောင်းတာက သူတို့ကို ဘယ်သူမှ အမြင်မကပ်ဘူး…မြင်တဲ့သူတိုင်းပြုံးသွားတာပဲရှိတာ…တချို့ဆို ဆီးအိုးမောက် ဆန္ဒပြပွဲသို့ရောက်ရှိဘာညာဆိုပြီး ဓတ်ပုံလာတွဲရိုက် fbပေါ်တင်ကြတောင် လုပ်လာကြတယ်…

အင်အားကြီး မီဒီယာတွေပါပေါက်ချလာတယ်…မောင်ဇိက ဆီးအိုးမောက်ခေါင်းဆောင်အဖြစ် အော်တို ရောက်သွားလေရော…မီဒီယာတွေက မောင်ဇိကိုမေးတာပေါ့…

"ညီဇိ ဆီးအိုးကိုပြန်မလှန်တော့ဘူးလား…"
"မလှန်ဘူး ကျုပ်တို့ရဲ့ ပန်းတိုင်ကိုမရမခြင်း ဒီဆီးအိုးတွေ ဘယ်တော့မှ ပြန်မလှန်ဘူး…"

ဒေါက်ဒေါက်…မောင်ဇိက ပြောရင်း ဆီးအိုးကို ခေါက်ပြသေးတာ…။အံမယ် နာမည်ကြီးချင်တော့ ရုပ်သံတွေပါပါလာတာဗျ…။လူတွေလဲ အထူးအဆန်းလိုဖြစ်ပြီး အတော်လေးစိတ်ဝင်စားကြတာ…တချို့ဆို ဆီးအိုးမောက်ပွဲနားလာပြီး ခွီကြ စီးပွားရေးအမြတ်ရအောင် ကြော်ညာကြနဲ့ ပွဲကို စည်နေကြတာ…အဲ့ ဆီးအိုးမောက်ပွဲကြီးက နိုင်ငံတကာစောင့်ကြည့်အဆင့်ထိတောင် ရောက်သွားတယ်ဗျ…နိုင်ငံခြားသားတွေလေ ထူးဆန်းတယ်ဆိုပြီး Photoတွေရိုက်ပြီး သူတို့စာမျက်နှာပေါ်တင်ရင်း ကမ္ဘာသိကုန်တာ…တချို့ဆို နည်းစနစ်ပိုင်းတောင်လာလေ့လာကြတာ…မြန်မာနိုင်ငံမှာ အထူးဆန်းဆုံးဆန္ဒပြပွဲ…ဒီမိုကရေစီအဆန်ဆုံး အလေ့အထတဲ့ဗျ…သူ့ဆီမှာတောင် ဂျာနယ်တွေ အဲ့လိုဖေါ်ပြလာတာ…ဆန္ဒပြပွဲထဲမှာ သက်တန်းရှည်ဆုံးတဲ့…ရှည်မှပေါ့…ဒီမိုကရေစီမှာ မပြနဲ့မှပြောမရတာ…စည်းကမ်းရှိဖို့ပဲလိုတာ…မောင်ဇိကဟိုစပ်စပ်ဒီစပ်စပ်ဆိုတော့ အဲ့ဒါကိုအသုံးချတာ…တာဝန်ရှိသူတွေက ဒီနေရာမပြနဲ့ဆို မပြဘူး…တင်းခံမနေဘူး…ဟိုဘက်သန့်စင်ခန်းရှေ့ သွားပြောင်းပြတာဗျ…စည်းတွေဘာတွေလာချရင်လည်း မောင်ဇိက ရှေ့ဆုံးက စည်းမကျော်ဘူး…နင်းဘဲနင်းထားတာ…ကျော်ဘူး ကျော်ရင် ထိန်းသိမ်းမှာစိုးလို့လေ…ဒါတောင်အငြင်းအခုန်ဖြစ်သေးတာ…

ခပ်ညစ်ညစ်တာဝန်ရှိသူနဲ့တွေ့ရင်…
"ငဇိမင်း စည်းနင်းနေပြီ ထိန်းသိမ်းတော့မယ်…"

"ဟော့လူ ဒီမှာဗျ…ဘောပွဲကြည့်လား…ဂိုးပေးရင် ဘောလုံးကို စည်းကျော်မှပေးတာ စည်းပေါ်ဆိုမပေးသေးဘူးဗျ…အာ့ကြောင့် ကျုပ်ဘောင်ဝင်တယ် မထိန်းသိမ်းနဲ့ဦး…"

အဲ့လိုပြန်ချေပတာ…တာဝန်ရှိသူတွေ ညစ်တာပေါ့ဗျာ…ကြာလာတော့ အဲ့ဒီ့ဆီးအိုးမောက်တဲ့ ကိစ္စကို လူထုခေါင်းဆောင်ပါသိသွားပါလေရော…ခေါင်းဆောင်က ဘယ်အချိန်ထဲက လေ့လာနေလဲမသိဘူး…အပြစ်မပြောဘူးဗျ…အဲ့ကိစ္စ သူ့ကို အင်တာဗျူးလုပ်ရင် ရယ်တောင်ရယ်သေးတာ…ပြီးရင်ပြုံးပြီး

"ကျမ သူတို့ကို ချီးကျူးပါတယ်…
အဲ့လောက် စစ်မှန်တဲ့ ဆန္ဒ္ဒပြပွဲမျိုး ကျမတစ်ခါမှ မမြင်ဘူးဘူး…"
အံမယ်…လူထုခေါင်းဆောင်က ချီးမွမ်းလေတော့ ကျန်တဲ့သူတွေပါ သဘောကျလာတယ်ဗျ…။အလှူထည့်တဲ့သူတောင်ရှိသေး…။ဒါပေမယ့် ဆီးအိုးကို ဘယ်တော့မှ လှန်ထည့်ခွင့်မပေးဘူး…။မောင်ဇိက အဲ့လို စိတ်ဓတ်မာတာ…။

တချို့က ဆီးအိုးတွေ တီရှပ်တွေ ရေသန့်ဘူးတွေလှူကြတာဗျ…။တချို့ဆို အချိန်ပိုင်းတောင် ဝင်ပြကြတာ…မောင်ဇိက ဒါတောင် စည်းကမ်းတွေလိုက်နာနိုင်မှ အပြခံတာ…အုတ်ရောရော ကျောက်ရောရောကောင်ဆို အဝင်မခံဘူးဗျ… ဆန္ဒပြပွဲပျက်အောင် ထည့်တဲ့  အစိုးရစပိုင်လို့ သံသယရှိရင်ဂျောင်းပဲ…။

နောက်ဆုံး…လူထုခေါင်းဆောင်းကိုယ်တိုင် ဆင်းလားပြီး…

"မောင်ဇိရယ် တော်ပါတော့…အမေလဲ အသက်ကြီးပြီ မရယ်ရပါစေနဲ့တော"့ဆိုပြီး လာပြောယူရတယ်…။

မောင်ဇိက ဒါတောင်မခေဘူး…

"အမေ ကျနော်တို့က ကျနော်တို့ ယုံကြည်ချက်ခံယူချက်တွေအတွက်ပါအမေ…အမေ့ကိုတော့ ချစ်တယ်…ဒါပေမယ့် သားတို့ လိုချင်တာ မရမခြင်း ဒီ ဆီးအိုးတွေ မလှန်သေးဘူးအမေ…"

"ကျနော်တို့ ဆီးအိုးတွေ ဆက်မောက်ထားတုန်းပဲ…"
နောက်နေ့ ခေါင်းကြီးပိုင်းမှာ မောင်ဇိဆီးအိုးကြီး မောက်ထားတဲ့ပုံနဲပါလာပြန်ရော…

နောက်ဆုံး လူထုခေါင်းဆောင်က
ဒီကိစ္စလွတ်တော်မှာ ဆွေးနွေးပေးမယ် ကြော်ညာတာတောင်…
မောင်ဇိတို့ ဆက်မောက်ထားတုံး…

ဆီးအိုးတွေ ဆက်မောက်ထားတုန်း…

ဒီတော့ လူထုခေါင်းဆောင်က စကားတစ်ခွန်းမောင်ဇိဆီအမှာပါးလေရဲ့…

"သားသမီးတွေက ကြက်သားဟင်းစားချင်တယ်ပြောတော့…

မိဘက မချက်ကျွေးဘူးလဲ မပြော…
ချက်ကျွေးမယ်…
ချက်နေပြီ မကျက်သေးလို့ ခဏစောင့်ပါဦးပြောတာကို…

ခြေစောင့်ပြီးစွေ့စွေ့ခုန်နေတယ်ဆိုရင်တော့ မိဘအလွန်မဟုတ်တော့ဘူး မောင်ဇိ…

သားဆိုးသမီးဆိုးတွေ အလွန်ဖြစ်နေပြီ…
စဉ်းစားဦး မောင်ဇိ…"

လူထုခေါင်းဆောင်အဲ့လိုပြောမှ…
မောင်ဇိလဲ အသိတရားရပြီး
မောက်ထားတဲ့ ဆီးအိုးတွေ ပြန်လှန်လိုက်တာ…။

နောက်နေ့ ဂျာနယ်တွေမှာ
ဆီးအိုးမောက်တွေ ပြန်လှန်လိုက်ပြီ
ဆီးအိုးတွေ ပြန်လှန်ကုန်ပြီ

"ဆီးအိုးမောက် ဆန္ဒပြပွဲကြီး ပြီးဆုံးခြင်း…"ဆိုပြီး ပလူကို ပျံလို့ပေါ့ဗျာ…။

---
-မှတ်စုကြမ်း
#zeroneo
Credit